गोड पदार्थ फक्त सणासुदीच्या दिवशीच खावा, असा काही रिवाज नाही. अनेकांना जेवताना किंवा जेवण झाल्यावर गोडाचा घास लागतो. मग या गोड पदार्थांमध्ये विविधता असायलाच हवी. पाककलातज्ञ जयश्री कुबेर यांची ही दोन्ही पुस्तके गोडाला वाहून घेतलेली आहेत.
पहिल्या पुस्तकात नानाविध डेझर्ट्स कशी करावी याविषयी मार्गदर्शन आहे. त्यात पुडिंग्स, सुफले, मूस, रोल्स, बॉल्स, कुकीज, केक, आईस्क्रीम यांचा समावेश आहे.
दुसऱ्या पुस्तकातील पाच विभागांत विविध पक्वान्ने दिली आहेत. खीर, लापशी, रबडी हा पहिला विभाग. दुसऱ्या विभागात शिरा, तिसऱ्या विभागात लाडू, पेढे, बर्फी, वड्या, करंज्या, अनारसे यांच्या कृती आहेत.
हलवा, रोल्सचा स्वतंत्र विभाग आहे आणि मोदक, कलाकंदसारखे पदार्थही खास विभागात शिकायला मिळतात.
प्रकाशक : मेनका प्रकाशन
पाने : १५८
किंमत : १२० रुपये
(हे पुस्तक ‘बुकगंगा डॉट कॉम’वरून घरपोच मागवण्यासाठी खालील लिंकवर क्लिक करा.)